महाराष्ट्र राज्यात असामान्य पावसामुळे अनेक शेतकऱ्यांना पिकांना पाणी देण्यासाठी पुरेसे पाणी उपलब्ध होत नाही, ज्यामुळे त्यांचे आर्थिक नुकसान होत असते. या समस्यावर उपाय म्हणून शेतकऱ्यांनी स्वतःच्या शेतात विहीर खोदणे हा एक पर्याय आहे. परंतु, विहीर खोदण्याचा खर्च हा अनेक शेतकऱ्यांना परवडणारा नाही. ही बाब लक्षात घेऊन, राज्य सरकारने महाराष्ट्रातील शेतकऱ्यांना शेतात पाणी उपलब्ध करून देण्यासाठी ‘पंचायत समिती विहीर योजना’ सुरू केली आहे.
या योजनेचे मुख्य उद्दिष्ट्य म्हणजे शेतकऱ्यांना विहीर खोदण्यासाठी आर्थिक मदत करणे आहे. यालाच ‘विहीर अनुदान योजना’ किंवा ‘मागेल त्याला विहीर’ योजना म्हणूनही ओळखले जाते. या योजनेमुळे शेतकऱ्यांना सिंचन सुविधा उपलब्ध होईल आणि त्यांचे उत्पन्न वाढण्यास मदत होईल. या लेखात आपण विहीर अनुदान योजनेची सविस्तर माहिती जाणून घेणार आहोत. यामध्ये योजनेचे फायदे, आवश्यक कागदपत्रे आणि अर्ज प्रक्रिया यांचा समावेश होईल.
Vihir Anudan Yojana In Marathi
| योजनेचे नाव | विहीर योजना 2024 Vihir Anudan Yojana |
| राज्य | महाराष्ट्र |
| विभाग | कृषी विभाग |
| लाभ | 4 लाख रुपये अनुदान |
| उद्देश्य | शेतात विहीर खोदण्यासाठी आर्थिक मदत |
| लाभार्थी | राज्यातील शेतकरी |
| अर्ज करण्याची पद्धत | ऑफलाईन |
विहीर अनुदान सुरू करण्याचे उद्दिष्ट
तर शेतकरी मित्रांनो, राज्यातील शेतकऱ्यांना त्यांच्या पिकांना पुरेसे पाणी उपलब्ध करून देण्यासाठी राज्य सरकारने ‘विहीर अनुदान योजना’ सुरू केली आहे. या योजनेचा मुख्य उद्देश राज्यातील शेतकऱ्यांना कृषी क्षेत्रात प्रोत्साहित करणे हा आहे. याशिवाय, आर्थिकदृष्ट्या कमकुवत शेतकऱ्यांना राज्य सरकार पाच लाख रुपयांपर्यंतचे विहीर अनुदान देते, जेणेकरून ते इतर कोणावरही अवलंबून राहणार नाहीत.
मागेल त्याला विहीर अनुदान योजनेचा लाभ कोणाला मिळणार
तुम्हालाही हा प्रश्न पडला असेल की, ‘मागेल त्याला विहीर अनुदान योजना’ याचा लाभ कोणाला मिळणार? तर बघा, राज्यातील आर्थिकदृष्ट्या दुर्बल शेतकरी, भटक्या विमुक्त जातीतील, अनुसूचित जाती-जमातीतील व्यक्ती, तसेच 2006 च्या वन हक्क कायद्यांतर्गत मान्यता प्राप्त पारंपारिक वनवासी आणि जॉब कार्ड धारक अनुसूचित जमातीचे लोक या योजनेचा लाभ सहज घेऊ शकतात. मात्र, या योजनेचा लाभ घेण्यासाठी काही पात्रता निकष पूर्ण करावे लागतात, जे खालीलप्रमाणे आहेत.
- सीमांत शेतकरी म्हणजेच ज्यांच्याकडे अडीच एकर पर्यंतच शेतजमीन आहे.
- महिला कुटुंबप्रमुख असलेल्या कुटुंबातील महिला
- ज्या कुटूंबामध्ये आत्महत्या झालेली आहे त्यांचे वारसदार
- इंदिरा आवास योजनेचे लाभार्थी
- शारीरिक दृष्ट्या अपंग व्यक्ती
- नीरधीसूचित जमाती
- अल्पभूधारक शेतकरी
- दारिद्र्यरेषेखाली कुटुंब
तर शेतकरी मित्रांनो, मागेल त्याला विहीर अनुदान योजनेअंतर्गत महाराष्ट्र राज्यातील शेतकऱ्यांना चार लाख रुपयांपर्यंतची आर्थिक मदत राज्य सरकारकडून दिली जाते. या योजनेचा उद्देश शेतकऱ्यांना त्यांच्या शेतीला पाणी पुरवठा करून मदत करणे हा आहे. या उपक्रमामुळे शेतकऱ्यांना पिकांना नियमित पाणी मिळेल आणि त्यांचे उत्पादन वाढेल. या योजनेसाठी अर्ज करणाऱ्या शेतकऱ्यांची निवड ग्रामसेवकांच्या माध्यमातून केली जाईल.
विहीर अनुदानासाठी कागदपत्रे
- आधार कार्ड
- रेशन कार्ड
- रहिवाशी दाखला
- मोबाईल नंबर
- जॉब कार्ड
- उत्पन्नाचा दाखला
- बँक खाते
- जमिनीचे कागदपत्रे 7/12 व 8अ
- पासपोर्ट फोटो
- सामुदायिक विहीर असल्यास सर्व लाभार्थी मिळून 0.40 हेक्टर पेक्षा अधिक सलग जमिन असल्याचा पंचनामा
- सामुदायिक विहीर असल्यास समोपचाराने पाणी वापराबाबत सर्व लाभार्थ्यांमध्ये करारपत्र
Vihir Anudan Yojana अर्ज कसा आणि कुठे करावा?
आता जर तुम्हाला विहीर अनुदान योजनेचा लाभ घ्यायचा असेल तर प्रथम तुम्हाला तुमच्या गावातील ग्रामपंचायत कार्यालयात जाऊन ग्रामसेवकाकडून या योजनेसाठी आवश्यक असलेली सर्व कागदपत्रे आणि अर्ज प्राप्त करावा लागेल. जर तुम्ही शहरात राहत असाल तर जिल्हा कार्यालयात संपर्क साधावा. यानंतर, अर्जामध्ये सर्व माहिती काळजीपूर्वक भरावी आणि आवश्यक कागदपत्रे जोडावी. ही सर्व प्रक्रिया पूर्ण झाल्यानंतर अर्ज ग्रामपंचायत कार्यालयात किंवा जिल्हा कार्यालयात सादर करावा.
तुमचा अर्ज तपासल्यानंतर तुम्ही या योजनेसाठी पात्र आहात की नाही हे ठरवले जाईल. जर तुम्ही पात्र असाल तर विहीर अनुदानाची रक्कम तुमच्या बँक खात्यात जमा केली जाईल.
